Rossiyaning ommaviy axborot vositalari rahbarlari Rossiya prezidenti maʼmuriyatidan Vladimir Zelenskiyni Ukraina prezidenti deb atashni toʻxtatishni talab qiluvchi koʻrsatma oldi. Bu haqda 18-sentabr kuni mahalliy nashrlar xabar bergan.

“Ushbu talab barcha ommaviy axborot vositalariga, jumladan, telekanallar va onlayn nashrlarga ham taalluqli”, – deyiladi xabarda.

Taʼkidlanishicha, Kreml oʻz nazorati ostidagi tahririyatlarda yangi standartlarni oʻrnatishga harakat qilmoqda.

Shuningdek, Kreml vakillari nashrlarda Vladimir Zelenskiyning lavozimini eslatmaslik yoki uning faoliyatini yoritishda “Zelenskiy rejimi” iborasini ishlatishni taklif qilmoqda. Sarlavhalardan tashqari, ushbu talab material matnining boshqa qismlariga ham tegishli. Ayni paytda asosiy eʼtibor yangiliklar agregatorlarida maʼlumot uzatilganda sarlavhalarda Vladimir Zelenskiyni prezident deb atamaslikka qaratilgan.

• Prezident
• Rossiya
• Ukraina
• Zelenskiy