Hayot davom etar ekan, har kuni o‘lim va tug‘ilish dinamikasi davom etadi. Tarix esa xotiralarda muhrlanishni istagan insonlarni sahifalariga joylab qoladi. 17-yanvar tarixiga nazar tashlar ekanmiz, bu sanada dunyoga kelgan ikki mashhur shaxs hayoti haqida qisqacha ma’lumot berib o‘tishni istadik. Ularning biri butun dunyoga kuchi, irodasi va odamiyligi bilan tanilgan hamda yengilmas, deb tan olingan bokschi Muhammad Ali. Shuningdek, bolaligidan qiyinchilikda o‘sib, hayotiy haqiqatlarni yumor ortiga yashirgan aktyor Jim Kerridir.

Velosiped o‘g‘rilarini tutish uchun bokschi bo‘lgan sportchi

Muhammad Ali zamonaviy boksning asoschisi hisoblanadi. U olib borgan janglar jangovar san’atning bir turi hisoblanadi. Uning “Kapalakdek uchib, aridek chaq” degan iborasi zamonamizning ko‘plab bokschilariga o‘rnak bo‘ldi. Muhammad Ali (tug‘ilgani Muhammad Ali; asl ismi Kassius Marselus Kley) 1942-yil 17-yanvarda Luisvilda (Kentukki, AQSh)da tug‘ilgan. 1964-yilda islom dinini qabul qilganida ismini o‘zgartirgan.

Uni boksga olib kelgan narsa velosipedini o‘g‘irlagan jinoyatchilardan o‘ch olish istagi bo‘lgan. Kassius bokschi bo‘lib yetishdi va tezda muvaffaqiyatlarga erishdi.

U 1960-yilda katta sportga keldi va darhol yengil vazn toifasida Olimpiya o‘yinlari chempioniga aylandi.

Shu paytdan boshlab sportchining zafarli yurishi boshlandi. U o‘tkazgan 31 ta professional janglar orasida 10 yil davomida birorta ham mag‘lubiyat bilmagan, jami umrida 61 ta jangdan bor-yo‘g‘i 5 tasida mag‘lub bo‘lgan. Muhammad Ali 1964-1974-yillarda professional og‘ir vazn toifalarida bir necha bor jahon chempioni bo‘lgan.

1999-yilda u “Asr sportchisi” unvoniga sazovor bo‘ldi. Muhammad Ali 1981-yilda sportni tark etdi negaki u Parkinson kasalligiga uchragan edi.

U kasallik bilan kurashni o‘zining eng qiyin kurashi deb atadi. Boksni tark etgach, Muhammad Ali ijtimoiy va siyosiy faoliyat bilan shug‘ullangan, UNICEFning ezgu niyat elchisi vazifasida ishlagan. Muhammad Ali 2016-yil 3-iyun kuni Skotsdeylda (Arizona, AQSh) vafot etdi.

Jim Kerri – kulgi ortidagi zahmat

Asil ismi Jeyms Eugene bo‘lgan Jim Kerri 1962-yil 17-yanvarda Kanadaning Nyumarket shahrida (Ontario) tug‘ilgan. Jim oiladagi uch farzandning eng kichigi edi. Ularning oilasi kambag‘al yashar edi, bolalar erta pul topish maqsadida yoshligidan ishlashga majbur bo‘lgan. Jim o‘ynashni, yuzini grim qilishni yaxshi ko‘rardi, ba’zi mashhurlarga taqlid qilishga harakat qilgan. Jim o‘n besh yoshida Yuk-Yuk klubida chiqish qila boshladi va to‘rt yildan so‘ng Los-Anjelesga borib komediya shoularida qatnasha boshladi.

Unga vaqti-vaqti bilan filmlarda kichik rollarda o‘ynash takliflari ham bo‘lgan, biroq ularda u o‘zining barcha iste’dodlarini to‘liq namoyon eta olmadi. Komediya aktyori sifatida u ilk bor 1994-yilda “Uy hayvonlari detektivi” filmida rol ijro etdi. Film ssenariysi ham Jim tomonidan yozilgan. Film tomoshabinlar orasida katta muvaffaqiyat qozondi va Jim Kerri bir kechada mashhur bo‘ldi. Shundan so‘ng, Kerri yana bir qancha muvaffaqiyatli filmlarda rol o‘ynadi: “Niqob”, “Kabelchi”, “Yolg‘onchi”, “Bryus Qodir”, “Beg‘uborlik aqlning abadiy quyoshi”, “33 baxtsizlik”, “Janob Popperning pingvinlari”.

Aktyorning komedik rollari orasida butun dunyo tomosha qiladigan sug‘urta agentining hayoti haqidagi “Trumen shousi” tragediyasidagi roli alohida ajralib turadi. Lekin uning o‘zi ham nimadir noto‘g‘ri ekanligiga darhol shubha qila boshlamaydi.

2008-yilda Jim “Xorton” multfilmi dublyajida o‘zini sinab ko‘rdi. Shuningdek, hozirda turli teleko‘rsatuvlarda qatnashib, turli televizion loyihalarda vokalchi sifatida ishtirok etadi. Bugungi kunda Jim Kerri ijodiy faoliyatini davom ettirmoqda.

• Kino
• Shou-biznes
• Tarix
• qiziqarli