“Yilning eng yaxshi pishlog‘i” nomli an’anaviy xalqaro tanlov Portugaliyaning Vizeu shahrida o‘tkazildi.

47 ta mamlakatdan 4 786 dona pishloq hakamlar hay’atining 240 nafar xalqaro eksperti tomonidan baholangani haqida tashkilotchilar ma’lumot bergan.

“Yilning eng yaxshi pishlog‘i 2024” qo‘y sutidan tayyorlangan Queijo de Ovelha Amanteigado pishlog‘i deb topildi. Bu pishloq Portugaliyada joylashgan Sualeyra shahridagi 10 kishi ishlaydigan oddiy va kichik fermada tayyorlangan.

Hakamlar pishloqlarni tashqi ko‘rinishi, hidi, ta’mi va teksturasiga qarab baholashdi. Ulardan biri g‘olib-pishloqni “oqsil va yog‘ning ajoyib uyg‘unligi” deya ta’rifladi.

• Festival
• Portugaliya
• Yangilik
• tanlov