Professional boksning uch divizionida sobiq jahon chempioni Vasiliy Lomachenko (16-2, 11 KO) yengil vazn toifasining mutlaq chempioni Jorj Kambosos (20-0, 10 KO) bilan jang bo‘yicha kelishuvning barcha shartlariga rozi bo‘ldi. Bu haqda boks insayderi Mayk Koppinger xabar berdi.

“Vasiliy Lomachenko yengil vazn toifasida mutlaq jahon chempioni kichik Jorj Kambosos bilan ehtimoliy jang bo‘yicha kelishuvning barcha shartlarini qabul qilgan. Ushbu shartnomada Kambosos mag‘lub bo'lsa, revansh o‘tkazish bandi mavjud”, – deydi Koppinger.

Qayd etilishicha, Jorj hozircha jangga roziligini bermagan. Agar Kambosos Lomachenkoga qarshi ringga ko‘tarilsa, bellashuvni ESPN telekanali translyatsiya qilinadi.

Shuningdek, “Matchroom” promouterlik kompaniyasi rahbari Eddi Xirn Bob Arum Vasiliy Lomachenkoni WVO yo‘nalishi bo‘yicha majburiy da’vogarga aylantirishga harakat qilishga urinishini ta’kidlamoqda. 

Biroq Lomadan avval Jorj Kambosos (WBA, IBF, WBO, WBC Franchise chempioni) va Devin Xeyni (WBC chempioni) o‘rtasidagi mutlaq chempionlik jangi bo‘lib o‘tishi haqida xabarlar mavjud. 
 

• Avstraliya
• Boks
• Ukraina