Bugun tongda Riyadh Season tomonidan 2025-yilning 22-fevral kuni Saudiya Arabistonining Ar-Riyod shahrida o‘tkaziladigan prof boks oqshomi rasman e’lon qilindi.

Ahamiyatlisi, turnir kardidan birinchi yarimo‘rta vazn toifasida sobiq WBA chempioni Isroil Madrimov ishtirokidagi jang ham o‘rin olgan. Hamyurtimiz Ar-riyoddagi uchinchi jangida WBC Interim kamari sohibi, amerikalik Verjil Ortis bilan to‘qnash keladi.

Madrimov bu jangdan oldin 21-dekabrda ukrainalik Sergey Bogachuk bilan ringga ko‘tarilishi lozim.

Isroilning promouteri hisoblangan “Matchroom Boxing” kompaniyasi rahbari Eddi Xirnning ma’lum qilishicha, o‘zbekistonlik charm qo‘lqop ustasi dekabr oyidagi jangda ham ishtirok etadi.

Ma’lumot uchun, 29 yoshli Isroil Madrimov professional faoliyati davomida hozirga qadar 12 ta jang o‘tkazib, 10 ta g‘alaba, 1 ta mag‘lubiyat va 1 ta durang qayd etgan.

• Boks
• Isroil Madrimov