Mahsulotlarni muzlatgich ichiga maʼlum tartibda joylashtirish vaqtingizni ham, naqdingizni ham tejashi mumkinligini bilasizmi? Ularni muzlatgichning kerakli qismiga joylashtirib, saqlash muddatini uzaytirish, yeguliklarning qisqa vaqt ichida aynib qolishiga qarshi kurashish mumkin.

Har narsaning oʻz joyi bor!

Bu sizga gʻalati eshitilishi mumkin, ammo muzlatgichda har bir mahsulot uchun alohida joy boʻlishi kerak.

• Isteʼmolga tayyor mahsulotlar, ortib qolgan taomlar muzlatgichning eng yuqori qismida, xom mahsulotlardan uzoqroqda saqlanadi.

• Xom goʻsht va baliqni eng pastki qavatda saqlash kerak.

• Tez aynib qolishi mumkin boʻlgan mahsulotlar – tuxum, sut, qaymoq oʻrta qavatga joylashtiriladi.

• Muzlatgich eshigi – ziravorlar uchun ayni muddao. Eshik qismi doimiy ravishda ochib yopilgani tufayli tuxumlarni eshik sohasiga terish tavsiya etilmaydi.

• Sabzavotlarni muzlatgichga joylashtirishdan avval ularni qogʻoz yoki plyonkaga oʻrang, havo aylanib turishi uchun bir nechta teshik oching. Meva hamda sabzavotlarni bir-biridan uzoqda saqlash kerak. Bu ularning tez aynib qolishiga toʻsqinlik qiladi.

Muzlatgichni qanday tozalash kerak?

1. Mahsulotlarni saqlash uchun toza idishlardan foydalaning.

2. Goʻshtni maxsus idish ichiga joylashtirib, shundan keyin muzlatgichga joylashtiring.

3. Meva hamda sabzavotlarni qogʻoz salfetka yoki gazetaga oʻrang.

4. Muzlatgichni har haftada bir marta tozalab turing.

• Foydali