Olimlar Perseverance roveridan olingan ma’lumotlarga asoslanib, Mars yuzasida organik moddalar keng tarqalgan bo‘lishi mumkin, degan xulosaga kelishdi. Qurilma qadimgi davrlarda ulkan suv omborining tubi bo‘lgan deb hisoblangan kraterda ishlaydi.

Spektroskopik tahlil ko‘plab jinslarda uglevodorod molekulalarining mavjudligi belgilarini aniqladi. Bundan tashqari, u molekulalarning har xil turlari va konsentratsiyasini ko‘rsatdi.

Ilgari Curiosity rover Geyl kraterida organik molekulalarni kashf etgan edi. “Biz Jezero ko‘li krateri tubidagi turli jinslardagi aromatik organik molekulalarga mos keladigan signallarni topdik”, – dedi Kaliforniya texnologiya instituti astrobiologi Sunanda Sharma.

Olimlar kamida to‘rt xil turdagi floresan signallarni va organik moddalarni ko‘rsatishi mumkin bo‘lgan uch turdagi kombinatsiyalangan signallarni aniqladilar.

Uglerodga asoslangan molekulalar hayotning belgilaridan biri hisoblanadi. Ularning mavjudligini Marsning yashashga yaroqliligining rad etib bo‘lmaydigan isboti deb bo‘lmaydi, chunki bu molekulalar biologik bo‘lmagan jarayonlar natijasida ham hosil bo‘lishi mumkin. Tog‘ jinslarining bunday molekulalarni ushlab turish qobiliyati ham tadqiqot uchun muhimdir.

• Lifestyle
• Mars
• qiziqarli