Rejissyor va ssenariynavis Lana Vachovski nima uchun franshizaning oxirgi qismi taqdim etilganidan keyin oradan 18 yil vaqt oʻtib “Matritsa: Tirilish” filmini suratga olishga qaror qilganini aytdi. Rejissyorning taʼkidlashicha, yangi epizodni suratga olish aslida uning hayolida ham boʻlmagan .

Ijodkor 18 yil davomida matritsa haqida boshqa film suratga olish istagi yoʻqligini taʼkidlab kelgan. Filmning ikkinchi rejissyori, Lana Vachovchkining singlisi Lilli Vachovski ham filmning yangi qismini suratga olishni rejalashtirmagan. Ammo, rejissyor ota-onasining oʻlimidan keyin bu fikridan qaytgan.

“Qaygʻuga bas kelish uchun oʻzimni biror narsa bilan band qilishim kerak edi. Ikkita odamning hayotga qaytishi haqidagi hikoyani yaratish menga tasalli bergandek boʻldi. Men shunchaki uni yoza boshladim. Ammo, bundan keyin nima qilishim mumkinligi haqida bilmasdim”, dedi rejissyor.

Ssenariy tayyor boʻlganidan soʻng ijodkorning yaqinlari uni film suratga olishga ham koʻndirishgan.

Eslatib oʻtamiz, “Matritsa: Tirilish” filmining taqdimoti 22-dekabr kuni boʻlib oʻtgan edi.

• Kino
• Madaniyat
• San’at
• mashhurlar