31°
Kechasi 18°
Xabaringiz bor, biroz avval Isroil Madrimov hamda Terens Krouford o‘rtasidagi jang o‘z yakuniga yetdi. Ushbu jangda amerikalik bokschi hakamlarning qaroriga ko‘ra g‘alaba qozondi.
Mazjur jang yakunlanganidan keyin Madrimov o‘z mag‘lubiyatini tan olmadi va tashkilotchilardan revansh so‘radi.
“Terens shu paytgacha deyarli barcha janglarini nokaut bilan yutgandi. Bugun esa men oxirigacha munosib kurashdim va jangda g‘alaba qozondim, deb o‘ylayman.
Bugungi jangdan keyin men revansh so‘rayman. Janob shayx al Turkidan revansh jangini tashkil qilishni so‘rab qolaman. Bugun jang nazoratim ostida o‘tganini barcha ko‘rdi. Keyingi janglarni ham shu darajada o‘tkazishga harakat qilaman.
Ha, Terens dunyoning eng zo‘r bokschilaridan biri, men esa hali 10 ta jang o‘tkazgan edim. Shunga qaramay, Kroufordga qarshi munosib jang olib bordim deb o‘ylayman. Meni qo‘llab-quvvatlagan barchaga rahmat. Inshaallah men qaytaman”, – dedi Isroil Madrimov
Ma’lumot uchun, Terens Krouford bunga qadar professional ringda o‘tkazgan 40 ta jangining barchasida g‘alaba qozongan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
