Misr janubidagi qadimiy ibodatxonada arxeologlar sfinksga (boshi inson tanasi shernikiga yaqin bo‘lgan ulkan mavjudot) o‘xshash haykal va ziyoratgoh qoldiqlarini topdi. Bu haqda mamlakat Qadimiy ishlar vazirligi xabar berdi.

Qayd etilishicha, artefaktlar Misrdagi eng yaxshi saqlangan qadimiy yodgorliklardan biri bo‘lgan Xatxor ibodatxonasi yonidan topilgan.

Olimlarning fikricha, “yuzi jilmayib turgan va ikkita kulgichga ega” ohaktosh sfinks orqali Rim imperatori Klavdiy tasvirlagan, deb ishoniladi.

Topilma balandligi 20 metr bo‘lgan Giza piramidalaridagi mashhur Sfinkslarga qaraganda ancha kichikroq.

Artefaktlar poytaxt Qohiradan 450 km janubda joylashgan Qena viloyatidagi Dendera ibodatxonasidagi ikki qavatli qabr ichiga joylashtirilgan.

Arxeologlar haykalning jilmayuvchi xususiyatlariga ega bo‘lishi mumkin deb hisoblayotgan imperator Klavdiy miloddan avvalgi 54-41-yillar oralig‘ida hukmronlik qilgan va Rim hukmronligini Shimoliy Afrikaga qadar kengaytirgan.

“Arxeologlar tosh plitadagi izlarni tekshirib ko‘rishadi, bu esa haykalning shaxsi haqida ko‘proq ma’lumot berishi mumkin”, – deyiladi vazirlik xabarida.

Arxeologlar kichik va chiroyli sfinksning yonida Rim davriga oid demotik va iyeroglif yozuvlari bo‘lgan tosh plitani ham topishgan.

Ohaktosh qo‘riqxonasi ikki qavatli platforma va Vizantiya davridagi taxta havzasini o‘z ichiga oladi.

Ayrim ekspertlar Misr hukumatining bu ochilishini Misrdagi og‘ir iqtisodiy inqiroz sharoitida turizm sanoatini jonlantirish uchun ko‘proq sayyohlarni jalb qilishning bir usuli, deb hisoblamoqda.

• Arxeologiya
• Imperator
• Misr