O‘zbekiston va Tojikiston fuqarolaridan iborat 107 nafar mehnat muhojiri Moskvadagi qurilish obyektlaridan birida uyushtirgan ommaviy mushtlashuvlari sabab mamlakatdan chiqarib yuborilishi mumkin. Bu haqda Moskva shahri Troiskiy tumani sudi maʼlum qilgan.

Sud 107 nafar tartibbuzar muhojirlarni Xorijiy fuqarolarni vaqtincha saqlash markaziga joylashtirish bo‘yicha qaror qabul qilgan. Ular u yerda 90 kun bo‘ladi, shundan so‘ng Rossiyadan deportatsiya qilinadi.

Avvalroq muhojirlar o‘rtasidagi mojaro 1-aprel kuni Moskva daryosining Shelepixinskaya qirg‘og‘ida joylashgan turar-joy majmuasi qurilishida yuz bergani xabar qilingandi. Mushtlashuvga tojikistonlik ishchining o‘zbekistonlik hamkasbini “ahmoq” deb chaqirgani sabab bo‘lgan. Voqeadan so‘ng mushtlashuv ishtirokchilari maʼmuriy javobgarlikka tortildi, politsiya esa ularning mamlakatda qolish muddatini qisqartirib, deportatsiya qilishga qaror qilgan.

• Deportatsiya
• Mushtlashuv
• Sud
• muhojir