Mankunianliklar Angliya chempionatining 19-turidan oʻrin olgan oʻyinda “Bornmut”ni magʻlub etishdi (3:0). Uchrashuvdan soʻng, “qizil iblislar” ustozi bellashuv haqida fikr bildirdi.

“Natijadan mamnunman. Biroq, bu bizning eng yaxshi oʻyinimiz emas. Ochigʻini aytganda, biz jamoa sifatida aqlliroq boʻlishimiz kerak.

Oʻyin mobaynida ajoyib gollar urdik, baʼzida esa omadimiz keldi. David De Xea esa ajoyib oʻyin oʻtkazdi.

2:0 hisobi katta farqlarni yuzaga keltirdi. Kelgusi oʻyinlarda biz toʻpni nazorat qilishimiz va qachon darvozaga zarba berishni bilishimiz zarur.

3:0 hisobida gʻalaba qozonish har doim yoqimli. Muxlislar uchun ajoyib oʻyin boʻldi. Biz oʻyindan oʻyinga oʻsib borishimiz lozim.

Keyingi oʻyin kubok bahsi. Lekin biz har bir oʻyinda gʻalaba qozonishni istaymiz. Yondashuv shunday boʻlishi kerak”, – dedi soʻnggi 10 uchrashuvning 9 tasida gʻalaba qozongan “Manchester Yunayted” bosh murabbiyi.

• Fikr
• Futbol
• Manchester Yunayted