Isroil G‘azo sektorida o‘t ochishni to‘xtatish bo‘yicha XAMASga yangi taklif yubordi. Taklif misrlik vositachilar orqali yetkazilgan. Bu haqda Reuters xabar berdi.

XAMASning yuqori martabali vakili taklifning kamida ikkitasi ular uchun nomaqbul ekanini allaqachon ma’lum qilgan. Hozirda vositachilar XAMASdan rasmiy javob kutmoqda. Falastin guruhi o‘zining asosiy talabini yana bir bor ta’kidlagan. Unga ko‘ra, o‘t ochishni to‘xtatish bo‘yicha har qanday kelishuv G‘azodagi urushga chek qo‘yishi va Isroil qo‘shinlarining sektordan to‘liq chiqib ketishini ta’minlashi kerak.

Biroq yangi taklif Isroilning jangovar harakatlarni to‘liq to‘xtatishini o‘z ichiga olmaydi. Bundan tashqari, Isroil birinchi marta muzokaralarning keyingi bosqichida XAMASni qurolsizlantirish talabini kiritgan. Falastin guruhi esa mazkur shartlarga rozi emas.

Isroil ushbu taklifga rasman izoh bermagan. Hozircha, o‘t ochishni to‘xtatish va garovga olinganlarni ozod qilish bo‘yicha muzokaralar urush fonida olib borilmoqda.

• Falastin
• Isroil
• Muzokara
• Urush