Joriy yilning 16-iyul kuni soat 19:30 da Namangan viloyati shoshilinch tez-tibbiy yordam markazining bergan xabariga ko‘ra, shu kuni soat 18:47 da, Yangiqo‘rg‘on tumani “Barkamol” mahallasida yashovchi, 1968-yilda tug‘ilgan fuqaro A.O. o‘ziga tegishli bo‘lgan qoramollarni boshqa hududdagi yer uchastkasidan yashash uyiga olib kelayotgan vaqtda, yashash uyi oldida o‘ynab yurgan 2023-yilda tug‘ilgan X.R. va uni himoya qilmoqchi bo‘lgan onasi 1989-yilda tug‘ilgan fuqaro A.D.larni suzib, tan jarohati yetkazgan. Bu haqda Namangan viloyati IIB axborot xizmati xabar berdi.

Yangiqo‘rg‘on tumanlararo sud tibbiy ekspertizasining 2025-yil 22-iyuldagi xulosasida fuqaro A.D.ga o‘rtacha og‘ir va voyaga yetmagan R.X.ga yengil tan jarohati yetkazilganligi ko‘rsatilgan.

Respublika shoshilinch tibbiy yordam ilmiy markaz Namangan filialining bergan ma’lumotiga ko‘ra, jabrlanuvchilarga 18-iyulda yashash uyiga ruxsat berilgan va ular hozirda yashash uyida ambulator sharoitda davolanmoqda.

Hozirda mazkur holat yuzasidan Yangiqo‘rg‘on tumani IIB tomonidan tergovga qadar tekshiruv o‘tkazilmoqda.

• IIB
• Namangan
• shifoxona