Bugun, 5-noyabr kuni Sirdaryo viloyatida Isuzu “KamAZ”ning orqasiga borib urilib, old qismi bo‘linib ketdi. Bu haqda Sirdaryo viloyati Yo‘l harakati xavfsizligi boshqarmasi xabar berdi.

Xabarda aytilishicha, soat 05:30 lar atrofida Sirdaryo tumani hududidan o‘tuvchi xalqaro ahamiyatdagi M-34 avtomobil yo‘lining “Termiz-Toshkent” yo‘nalishining 84-kilometrida “KamAZ” rusumli transport vositasi nosozligi sababli yo‘lning chetki qismida to‘xtab turgan. O‘sha vaqtda shu yo‘nalish bo‘ylab harakatlanib kelayotgan Isuzu rusumli transport vositasi haydovchisi hushyorlikni yo‘qotib, to‘xtab turgan “KamAZ”ning orqa qismiga borib urilishi oqibatida YTH sodir bo‘lgan.

Ma’lum qilinishicha, sodir etilgan yo‘l-transport hodisasi oqibatida jabrlanganlar hamda jarohatlanganlar yo‘q. Hozirda mazkur holat yuzasidan Sirdaryo tumani IIB JXX YHXB tomonidan surishtiruv harakatlari olib borilmoqda.

• Avtohalokat
• Sirdaryo
• yuk mashinasi