Bloomberg axborot agentligining xabar berishicha, Apple kompaniyasi birinchi marta arzon noutbuklar bozoriga kirishga tayyorlanmoqda. Kompaniya ilgari asosan yuqori narxdagi premium qurilmalar ishlab chiqargan bo‘lsa, endi Windows va Chromebook modellari bilan raqobatlashish niyatida.

Yangi qurilma keng foydalanuvchilar auditoriyasi uchun mo‘ljallangan bo‘lib, oddiy vazifalarni bajarishga qaratilgan. U internet sahifalarini ko‘rish, ofis hujjatlari bilan ishlash, oddiy multimedia tahrirlash va boshqa katta resurs talab qilmaydigan vazifalar uchun ideal tanlov bo‘ladi.

Manbalarga ko‘ra, yangi noutbuk iPhone’larda qo‘llaniladigan A-seriyali chip asosida yaratiladi. Bu esa uni Apple’ning hozirgi Mac modellari uchun mo‘ljallangan M1 protsessoridan samaraliroq va arzonroq qiladi.

Apple hozircha loyiha haqida rasmiy izoh bermagan. Shunga qaramay, kompaniya yangi MacBook’ni 2026-yil boshida taqdim etishni rejalashtirayotgani bildirilgan. Qurilmaning taxminiy narxi 600 dollar atrofida bo‘lishi kutilmoqda.

• Apple
• Noutbuk
• iPhone
• texnologiya