Elektr energiyasi va tabiiy gazdan noqonuniy foydalangan MCHJ rahbari ma’lum bo‘ldi.

Bu haqda Iqtisodiy jinoyatlarga qarshi kurashish departamenti xabar berdi.

Qayd etilishicha, Departamentning Navoiy shahar bo‘limi tomonidan IIB, “O‘zenergoinspeksiya” va “Hududgaz Navoiy” GTF xodimlari bilan hamkorlikda tergovga qadar tekshiruv o‘tkazilgan.

Unda “N-C.” MCHJ rahbari F.A. Karmana tumani “Yangiariq” MFY hududida joylashgan noturar joy obyektida qum tarkibidan qimmatbaho metallarni ajratib olish faoliyati bilan shug‘ullanib kelganligi aniqlangan.

U ushbu noturar binoni hamda tabiiy gazni kuchaytirib beruvchi elektr nasosni tijorat maqsadida umumiy foydalanishdagi elektr energiyasi va gaz tarmoqlariga ulagan. Natijada, jami 478,5 mln so‘mlik tabiiy resurslarni o‘g‘irlaganligi ma’lum bo‘lgan.

Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.

• Elektr energiyasi
• Gaz
• Jinoyat
• O'g'irlik