Surxondaryo viloyati paxtakorlari O‘zbekistonda birinchi bo‘lib joriy yilgi paxta topshirish shartnomaviy rejasini ortig‘i bilan bajardi. Qabul shoxobchalariga 275 ming 600 tonnadan ortiq sifatli xom ashyo topshirilgan. Bu haqda Surxondaryo viloyati hokimligi xabar berdi.

Prezident tashabbusi bilan paxtachilikda xorijning ilg‘or tajribalari qo‘llanilayotgani, paxtachilik-to‘qimachilik klasterlari tashkil etilib, chigit ekishdan hosil pishib yetilguncha nihollar mehr bilan parvarishlanayotgani, dehqon va fermerlar uchun sohaning daromad manbaiga aylangani viloyat mirishkorlarining yutuqlarni yildan yilga mustahkamlashiga qulay muhit yaratdi.

Hosilni o‘z vaqtida va sifatli yig‘ib olish uchun 1 ming 277 ta terim otryadi tashkil etilib, terilgan xom ashyoni qabul shoxobchalariga yetkazib berish uchun 2 ming 10 ta traktor va 2 ming 965 ta tirkama jalb etilgan.

• Paxta
• Surxondaryo