“Netflix” “Gʻalati narsalar” filmining 4-fasli qachon namoyish etilishini ma’lum qildi.

Avvalroq, ushbu filmining to‘rtinchi fasli ikki qismdan iborat bo‘lishi aytib o‘tilgan va ularning chiqish sanalari e’lon qilingan edi. 

Qayd etilishicha, joriy yilning 27-may kuni har biri bir soatdan ortiq davom etadigan dastlabki 7 ta epizod namoyish etiladi. 1 iyul kuni esa qolgan ikkita epizod chiqariladi – ularning umumiy vaqti deyarli 4 soatni tashkil etadi. 

Muxlislarning qiziqishlarini oshirish va intiqliklarini kuchaytirish uchun “Netflix” yangi mavsum birinchi epizodining dastlabki 8 daqiqasini “You tube”ga ham yukladi.

“Gʻalati narsalar” yoki “Sirli voqealar” – “Netflix” striming xizmati uchun Daffer Brazers tomonidan yaratilgan Amerika ilmiy-fantastik va qo‘rqinchli teleseriali. Dafferlar Shon Levi va Den Koyen bilan birga serial uchun ijrochi prodyuser bo‘lib xizmat qilishadi.

Serial 1980-illarda Indiana shtatining xayoliy – Xokins shahrida bo‘lib o‘tadi. Serialning birinchi fasli 1983-yil noyabr oyida sodir bo‘lgan voqealar haqida hikoya qiladi.

• Netflix
• Serial