19-aprel kuni AQShning Netflix striming xizmati aksiyalari 26,37 foizga tushib, har bir aksiya uchun 256,5 dollarni tashkil qildi. Amerika birjasi NASDAQ maʼlumotlariga koʻra, oxirgi marta striming xizmatining qimmatli qogʻozlari ushbu darajada 2019-yil sentabrida sotilgan. Kompaniya 200 ming obunchani yo‘qotgan. 

Bu pasayish 2011-yildan beri birinchi marta kuzatilmoqda. Netflix, xususan, Rossiyada ushbu xizmatning yopilishi 700 ming obunachini yo‘qotishiga olib kelganini aytdi. Kompaniya joriy chorakda pullik obunachilar sonining 2 millionga kamayishini bashorat qilmoqda.

Choraklik hisobotga ko‘ra, Netflix’ning birinchi chorakdagi jami daromadi 9,8 foizga o‘sib, 7,87 milliard dollarni tashkil etdi.Bir aksiya boshiga tushgan daromad (EPS) 3,53 dollarni tashkil etgan Uoll-strit tahlilchilarining 2,91 dollarlik prognozlaridan ham oshib ketdi. Operatsion daromad 1,97 milliard dollarni tashkil etdi, bu o‘tgan yilga nisbatan atigi 0,6 foizga ko'p. Jami sof daromad o‘tgan yilning shu davriga nisbatan 6,44 foizga kamayib, 1,59 milliard dollarni tashkil etgan. 

Ma’lumot uchun, AQShning Netflix striming xizmati hozirda 226,1 million obunachiga ega. 

Eslatib o‘tamiz, avvalroq Netflix foydalanuvchilarni Rossiyada ish to‘xtatilgani haqida xabardor qilgandi.

• AQSh
• Aksiya
• Jahon
• Netflix