Baxriddinov Zuxriddin Baxriddin o‘g‘li Namangan viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya bosh boshqarmasi boshlig‘i etib tayinlandi. Bu haqda Namangan viloyati matbuot xizmati xabar berdi.

U faoliyatini 2007-yili O‘zbekiston Respublikasi Xalq ta’limi vazirligi moliyalashtirish,buxgalteriya hisobi va hisoboti boshqarmasi mutaxassisligidan boshlagan. 2008-2020-yillarda Namangan viloyati moliya boshqarmasida turli vazifalarda faoliyat ko‘rsatgan. 2020-2024-yillarda Namangan viloyati hokimligi moliya bosh boshqarmasi boshlig‘i lavozimida ishlagan.

Tayinlovga qadar O‘zbekiston Respublikasi Iqtisodiyot va moliya vazirligi Hududlarni kompleks iqtisodiy rivojlantirish departamenti direktori bo‘lib ishlab kelayotgan edi.

• Namangan
• O‘zbekiston
• Tayinlov