Niderlandiya hukumati Facebook ijtimoiy tarmog‘idan butunlay voz kechish imkoniyatini ko‘rib chiqmoqda. Chunki u platforma foydalanuvchilar ma’lumotlari xavfsizligini ta’minlamasligidan jiddiy xavotirda, deb yozadi “Zakon.kz”.

“De Telegraaf” gazetasi manbalariga ko‘ra, Meta kompaniyalari bilan muzokaralar allaqachon olib borilgan. Lekin ular kutilgan natijalarni bermagan. Shu munosabat bilan rasmiylar hukumatning barcha a’zolari ustida ishlayotgan Facebook’ni taqiqlashga tayyorgarlik ko‘rishni boshlagan.

“2017-yilda Gollandiyaning ma’lumotlarni himoya qilish boshqarmasi Facebook ikki sohada shaxsiy daxlsizlik qonunini buzganligini aniqlagan: foydalanuvchilarni xabardor qilish va maxfiy ma’lumotlarni qayta ishlash. Keyin Meta tuzatishlar kiritdi, biroq bu muammoni hal qilmadi”, deydi Ichki ishlar va Qirollik ishlari vazirligi shtat kotibi Aleksandra van Xyofelen ma’lum qildi.

Uning so‘zlariga ko‘ra, hukumat ko‘p yillar davomida Facebook maxfiy ma’lumotlarni qanday qayta ishlayotganidan xavotirda va bu mavzu bo‘yicha yangi savollar paydo bo‘lgan. Shuning uchun Vazirlar Mahkamasi Ma’lumotlarni himoya qilish boshqarmasidan Facebook’dan foydalanishni davom ettirish xavfsizmi yoki yo‘qligini so‘radi. Uning ta’kidlashicha, yaqin kelajakda tavsiyalar qabul qilinishi kutilmoqda.

• Facebook
• Hukumat