Finlandiyaning HMD kompaniyasi ommalashgan G 20 o‘rnini egallovchi yangi Nokia G 21 smartfonini taqdim etdi.

U yaxshilangan batareya, ekran va kamerga ega. Nokia G 21 smartfonda 5050 mA/soat akkumulyator mavjud bo‘lib, qayta quvvatlamasdan uch kun ishlatish imkonini beradi. HMD o'zining quvvatni tejash rejimlarini kam cheklovsiz qilib yaxshilagan. 

Shuni ta’kidlash kerakki, original G 20 ham 5050 mA/soat quvvatga ega akkumulyatordan iborat bo‘lgan va batareyaning 3 kunlik ishlash muddati ham va‘da qilingan. HMD maksimal zaryad tezligini 18 Vt ga oshirgan. HMD telefonni avvalgisiga nisbatan yupqaroq qilib, 9,2 mm. dan 8,5 mm. gacha ingichkalashtirgan.

Shuningdek, yuqori gersli (90 Gs), 6,5 dyuymli ekran mavjud bo‘lib, asosiy kamera 50, qo‘shimcha (makro va boke) kameralari 2 megapiksel o‘lchamga ega.

Nokia G21 protsessori ham shunga mos — 12 nm chip Cortex-A75 yadrosi va A55 olti yadrosida ishlaydi. 4/6 GB operativ, 64/128 GB ichki xotira o‘rnatilgan, microSD karta hisobiga esa xotirani yanada kengaytirish mumkin. Bundan tashqari ikkita SIM karta bilan ishlaydi.

Nokia G21 arzon smartfon bo‘lib, boshlang‘ich narxi 192 dollarga baholanmoqda. Yangi model ikkita rang variantida taqdim etiladi: “Nordic Blue” va “Dusk”.
 

• Nokia
• Telefon