Non isteʼmolidan butunlay voz kechish ichakdagi patogen bakteriyalarning koʻpayishi jarayonini sekinlashtiradi. Bu haqida endokrinolog Alyona Barredo maʼlum qildi.

“Non – organizmdagi uglevodlar almashinuviga salbiy taʼsir qiluvchi mahsulot hisoblanadi. Nondan voz kechgan odam organizmida insulin va glyukoza miqdori kamayadi, uglevodlar va lipid almashinuvi meʼyoriy holatga keladi. Shuningdek, xolesterin miqdori ham sezilarli darajada kamayadi. Ichakdagi patogen bakteriya va zamburugʻlarning koʻpayishi sekinlashadi, bu esa ichaklar mikrobiotasiga ijobiy taʼsir koʻrsatadi”, deydi mutaxassis.

Shifokor eng foydali non turi – butun dondan tayyorlangan, tarkibiga kepak qoʻshilgan kletchatkali non ekanligini qayd etib oʻtgan.

• salomatlik