UzAuto Motors AJ yangilangan Chevrolet Cobalt modifikatsiyalarini ommaviy ishlab chiqarishni boshladi. Endi Cobalt modeli avvalgi uchta komplektatsiyadan tashqari, ikkita yangi versiyada — Cobalt Style MCM va Cobalt Midnight MCM — taqdim etiladi.

Modernizatsiya jarayonida avtomobilning texnik imkoniyatlari sezilarli darajada yangilandi: yangi dvigatel boshqaruv bloki, takomillashgan gaz taqsimlash va elektron boshqaruv tizimlari, shuningdek, ABS tizimi, xavfsizlik yostiqchalari va himoya funksiyalari yangilandi. Diagnostika moduli ham avtomobilning holatini aniqroq kuzatishga imkon beradi. Yangi modifikatsiyalarda 50 dan ortiq muhim komponent yangilangan.

Yangilangan Cobalt avtomobillari yaqin kunlarda avvalgi narxlarda, o‘zgarishsiz tarzda:

– Style AT Plus – 147 916 000 so‘m;

– Midnight AT – 155 231 000 so‘m holatida UzAuto Motors dilerlik markazlarida sotuvga chiqariladi.

• UzAutoMotors