9-oktyabr kuni O‘zbekiston bo‘ylab o‘zgaruvchan ob-havo kuzatiladi. Respublikaning aksariyat hududlarida yog‘ingarchilik kutilmaydi. Kunduzgi harorat +22…+32°C, kechasi esa +8…+17°C bo‘lishi prognoz qilinmoqda.

Eng issiq ob-havo Qashqadaryo va Surxondaryo viloyatlarida kuzatiladi. Bu hududlarda havo harorati kunduzi +27…+32°C, kechasi esa +10…+15°C atrofida bo‘ladi.

Respublika bo‘yicha shamol sharqdan 7–12 m/s tezlikda esadi.

Tog‘li hududlarda havo o‘zgaruvchan bo‘lib, ayrim joylarda yog‘ingarchilik kuzatilishi mumkin. Bu hududlarda harorat kechasi +5…+10°C, kunduzi +13…+18°C bo‘lishi kutilmoqda.

Prognoz O‘zbekiston Gidrometeorologiya xizmati ma’lumotlariga asoslangan.