Og‘izdagi bakteriyalar bilan bosh va bo‘yin saratoni o‘rtasida bog‘liqlik aniqlandi

Olimlar yangi tadqiqot o‘tkazishdi. Unda og‘iz bo‘shlig‘ida ko‘payadigan bakteriyalar bosh va bo‘yin saratoni rivojlanish xavfini oshirishi mumkinligini aniqlashdi. Tadqiqot natijalari JAMA Oncology jurnalida chop etildi.

Yevropada keng tarqalgan saraton bu og‘iz, burun va tomoq bo‘shlig‘ida rivojlanadigan yassi hujayrali bosh va bo‘yin saratonidir. Bu tashxis har yili 150 mingdan ortiq odamga qo‘yiladi.

Bu turdagi saraton asosan erkaklarda uchraydi va besh yil ichida bemorlarning yarmidan ko‘prog‘ining hayotiga zomin bo‘ladi.

Tadqiqotda ma’lum bo‘lishicha, inson og‘iz bo‘shlig‘idagi bakteriyalarning yuzlab turlaridan 13 tasi bosh va bo‘yin yassi hujayrali saratonning rivojlanish ehtimolini 30 foizga oshiradi.

“Tishlarni tozalash va tish ipidan foydalanish nafaqat parodont kasalliklarning oldini olishga yordam beradi, balki bosh va bo‘yin saratonidan himoya qiladi”, — deydi Nyu-York universiteti tibbiyot maktabi professori doktor Richard Heysning bayonotida.

Endi tadqiqotchilar bu bakteriyalarni qanday to‘xtatish mumkinligini aniqlashmoqchi. Hozircha bu saratondan xavotirda bo‘lgan insonlar chekishni va spirtli ichimliklar ichishni kamaytirishi kerakligini aytishdi, chunki bular kasallikka asosiy sababligi keltirilmoqda.

• Olimlar
• Yangilik
• salomatlik
• tadqiqot