Janubiy Koreyaning BTS guruhi va xonanda Billi Aylishning qoʻshiqlari uyqusizlikka qarshi kurash yordam beradi. Daniyaning Orxuss universiteti olimlari oʻtkazilgan tadqiqotlar natijasida mana shunday xulosaga keldilar.

Olimlar musiqiy kompozitsiyalarning qaysilari osonroq uhlashga yordam berishini oʻrganish maqsadida keng koʻlamli tadqiqot oʻtkazishgan. Unda 225 mingta trekning inson miyasiga taʼsiri oʻrganilgan. Tadqiqot yakunida esa BTS guruhining “Dynamite”, xonanda Billi Aylishning “Lovely” qoʻshiqlari tezroq uhlab qolishga yordam berishi isbotlangan.

Olimlarning aytishlaricha, inson miyasi uyqu oldidan sevimli musiqa sadolari ostida tinchlanadi. Uhlashdan avval tinchlanish uchun klassik musiqa eshitish shart emas, qoʻshiq insonga tanish boʻlsa kifoya. Shunda uyqusizlikdan aziyat chekayotgan odam miyasi trekni tahlil qilish uchun ortiqcha quvvat sarf etmaydi. Hayollar nari chekinadi va odam osonlikcha uyquga ketadi.

• Shou-biznes
• mashhurlar
• qiziqarli
• tadqiqot