Onkologik kasallikka chalingan bemorlar ham koronavirusga qarshi emlanishi mumkinmi? Bu haqda shifokor Eʼzozbek Rizayev maʼlumot berdi.

“Maʼlumki, COVID-19 infeksiyasi onkologik kasallikka chalingan bemorlarda juda ogʻir oʻtadi. Shu bois, Jahon sogʻliqni saqlash tashkiloti tomonidan onkologik xastaliklar bilan ogʻriyotgan bemorlarni koronavirus infeksiyasiga qarshi emlash zarur ekanligi belgilangan.

Biroq, bunda tibbiy muolajalar turiga eʼtibor qaratish lozim. Agar bemorda kimyo yoki nur terapiyasi kursi oʻtkaziladigan boʻlsa, u mazkur muolajadan avval emlanishi zarur. Boisi, bunday tibbiy muolajalar inson organizmida immun tizimining kuchsizlanishiga olib keladi. Natijada bemor vaksina olganida tanada koronavirus infeksiyasiga qarshi javob reaksiyasi – antitanachalar ishlab chiqarilish darajasi past boʻladi.

Demak, onkologik kasalliklarga chalingan bemorlar COVID-19 ni yengilroq oʻtkazish uchun ham emlanishlari zarur”, – deydi shifokor.

• Vaksina
• koronavirus