O‘tgan hafta davomida, 30-may – 5-iyun kunlari “O‘zbekiston respublika tovar-xom ashyo birjasi” AJning barcha savdo platformalarida 2 trln. 939,6 mlrd. so‘mlik tovarlar sotilgan. Bu haqda birja axborot xizmati ma’lum qildi.

Qayd etilishicha, ko‘rib chiqilayotgan davr mobaynida onlayn auksion orqali 3 317 ta avtoraqamlar sotildi, sotilgan davlat raqam belgilarining umumiy summasi 9 mlrd. so‘mni tashkil qildi.

Shuningdek, o‘tgan haftada 2 029 tonna paxta yog‘i sotildi. O‘tkazilgan savdolarda har kuni o‘rtacha 140 xaridor ishtirok etdi. O‘rtacha kunlik sotuv hajmlari 406,0 tonnani tashkil qildi. Paxta yog‘ining kunlik o‘rtacha narxlari 1,6 foizga pasaygan.

Shu bilan birga, birja savdolariga 31 992 tonna suyultirilgan gaz qo‘yildi va uning barchasi sotildi. O‘tkazilgan savdolarda har kuni o‘rtacha 210 xaridor ishtirok etdi. Bu mahsulotning kunlik o‘rtacha narxlari 24,3 foizga pasaygan.

Ma’lumot o‘rnida, ko‘rib chiqilayotgan davrda ochiq birja savdolari orqali jami 2 trln. 234,5 mlrd. so‘mlik tovar resurslari sotildi.

• Birja
• Narx-navo