Ta’mirlash ishlari tufayli Sergeli tumani “Nomdanak” MFYning ayrim hududlariga 8-may kuni soat 10:00 dan 18:00 gacha tabiiy gaz yetkazib berish vaqtincha to‘xtatiladi. Bu haqda “Hududgaz poytaxt” xabar berdi.

Jami 700 ta xonadon va 8 ta ulgurji iste’molchi ushbu vaqt oralig‘ida tabiiy gazdan uziladi. Ta’mirlash ishlari tugatilgandan so‘ng, tabiiy gaz ta’minoti yana qayta tiklanadi.

“Yuzaga kelayotgan noqulayliklar uchun gaz ta’minoti filiali iste’molchilardan uzr so‘raydi” – deyiladi xabarda.

• Gaz
• O‘zbekiston
• Sergeli