Joriy yilning fevral oyida birlamchi bozordan 28,8 ming, ikkilamchi bozordan esa 99,6 ming dona avtomobil sotib olindi. Avtotransport vositalarini ro‘yxatdan o‘tkazishlar soni o‘tgan oyga nisbatan 13,4 foiz, bir yil avvalgiga nisbatan esa 149,2 foizga o‘sgan. Xorijiy avtomobillar oldi-sotdi shartnomalari soni ham 2,7 barobarga ortgan. Bu bo‘yicha Iqtisodiy tadqiqotlar va islohotlar markazi tomonidan tahlil o‘tkazilgan. 

Qayd etilishicha, 2022-yil fevral oyida 128,4 ming dona avtotransport vositalari davlat ro‘yxatidan o‘tkazilgan, bu o‘tgan yilning fevral oyiga (51,5 ming) nisbatan 149,2%ga va 2020-yil yanvar oyiga (57,5 ming) nisbatan esa 123,2%ga ko‘paydi. Shu bilan birga, 2022-yil yanvariga nisbatan o‘sish sur’ati 13,4%ni tashkil etdi, deyiladi Iqtisodiy tadqiqotlar va islohotlar markazi (ITIM) “Xabardor.uz’ga taqdim etgan tahlilida.

Ekspertlar avtomobillarni ro‘yxatdan o‘tkazishlar sonining jadallik bilan o‘sishini o‘tgan oydan avtotransport vositalarini sotib olganlik uchun yig‘imning to‘liq bekor qilinishi hamda oldi-sotdi shartnomasini notarial rasmiylashtirish uchun undiriladigan davlat bojini BHMning 3 barobari miqdorida belgilanishi bilan izohlashmoqda. Jumladan, O‘zbekistonga avtotransport vositalarini sotib olish va/yoki vaqtinchalik olib kirishda to‘lanadigan yig‘im 2022-yilgi davlat byudjeti to‘g‘risidagi qonunga asosan bekor qilindi.

Ro‘yxatga olingan va qayta ro‘yxatdan o‘tgan avtomobillar sonini o‘zgarishi.

Joriy yilning fevral oyida birlamchi bozordan sotib olingan avtomobillar soni 28,8 ming donani tashkil etdi. Avtomobil savdosi yanvar oyiga nisbatan 3,2%ga oshdi. Ikkilamchi bozorda ushbu ko‘rsatkich 99,6 ming donani tashkil etgan(o‘sish 16,8%).

Yangi avtotransport vositalarini ro‘yxatdan o‘tkazishlar soni o‘tgan oyga nisbatan Toshkent (63,2%), Qashqadaryo (38,1%) viloyatlari va Qoraqalpog‘iston Respublikasida (15,9%) sezilarli darajada oshgan bo‘lsa, Sirdaryo (-27,8%), Farg‘ona (-22,3%), Namangan (-16,9%), Buxoro (-6,2%) ga nisbatan), Surxondaryo (-6,1%), Samarqand (-4,8%), Jizzax (-1,9%) viloyatlari va Toshkent shahrida (-6,6%) kamayish kuzatildi.

Birlamchi va ikkilamchi bozorlarda sotilgan avtomobillar.

Chet elda ishlab chiqarilgan avtomobillar oldi-sotdi shartnomalari soni 2,4 ming donani tashkil etib, bu yanvar oyiga nisbatan 26%ga ko‘paydi (2021-yil fevral oyiga nisbatan o‘sish 2,7 barobar).

Ichki bozorda sotilgan yangi yengil avtomobillar. 

Ikkilamchi bozordan sotib olingan avtotransport vositalarini rasmiylashtirishlar soni eng ko‘p bo‘lgan hududlar Samarqand – 12,5 ming (yanvar oyida – 9,7 ming), Farg‘ona – 11,8 ming (9 ming), Andijon – 10,2 ming (7,2 ming), Namangan – 9,4 ming (8,1 ming), Qashqadaryo-8,3 ming (6,4 ming) viloyatlari va Toshkent shahri – 11,7 ming (13,6 ming) bo‘ldi.

• Avtomobil
• Iqtisodiy tadqiqotlar va islohotlar markazi