“Temiryo‘lda yo‘lovchi tashish xizmatlari bo‘yicha qo‘mita chiqargan qaror sud instansiyalari tomonidan qo‘llab-quvvatlandi va qonunbuzilish holati bartaraf etildi”, – deb xabar bermoqda Raqobatni rivojlantirish va iste’molchilar huquqlarini himoya qilish qo‘mitasi.

Qo‘mita maxsus komissiyasi tomonidan 2024-yilda olib borilgan o‘rganish natijalariga ko‘ra, “O‘ztemiryo‘lyo‘lovchi” AJ va “Shahar atrofida yo‘lovchi tashish” MChJ tomonidan sotilgan chiptalardan vositachilik yig‘im qiymati bo‘yicha umumiy hisobda jami 792 186 nafar iste’molchidan ortiqcha haq undirilgani aniqlangan.

Qo‘mita mazkur jamiyatlarga:

– ortiqcha undirilgan pullarni iste’molchilarga qaytarish;

– qonunbuzilish holatlarini bartaraf etish;

– kelgusida bunday holatlarga yo‘l qo‘ymaslik to‘g‘risida ko‘rsatma bergan.

Ushbu korxonalar qo‘mita qarori yuzasidan norozi bo‘lib, sudga murojaat qilgan. Ammo bir necha sud instansiyalarining hal qiluv qarorlari bilan “O‘ztemiryo‘lyo‘lovchi” AJ va “Shahar atrofida yo‘lovchi tashish” MChJlarning arizalarini qanoatlantirish rad qilinib, qo‘mita maxsus komissiyasining qarori va ko‘rsatmasi o‘z kuchida qoldirildi va ortiqcha olingan mablag‘larni qaytarishi va moliyaviy jarima to‘lashi belgilandi.

• O‘ztemiryo‘lyo‘lovchi
• chipta