Kecha, 20-may kuni Argentinada 20 yoshgacha bo‘lgan futbolchilar o‘rtasidagi jahon chempionati start oldi.

“A” guruhida O‘zbekiston mezbonlarga qarshi ochilish o‘yinida maydonga tushdi. Garchi vakillarimiz 23-daqiqada Mahudjon Mahammadjonovning goli evaziga hisobni ochgan bo‘lishiga qaramay, Alexo Veliz va Valentin Karbonining javob gollari sabab mag‘lub bo‘lishdi.

Guruhning ikkinchi o‘yinida Yangi Zelandiya Gvatemaladan minimal hisobda ustun keldi.

Ravshan Haydarov murabbiyligidagi jamoa 2-turni 23-may kuni Yangi Zelandiyaga qarshi o‘tkazadi.

JCh U-20. “A” guruhi. 1-tur.
Argentina 2:1 O‘zbekiston

Gollar: Veliz (27), Karboni (41) – Mahamadjonov (23).

Argentina – Gomes, Giay, Di Lollo, Gomes, Barko, Perrone (Redondo, 59), Tanlongo (Miramon, 72), Sule (Romero, 85), Karboni (Infantino, 72), Agirre, Veliz (Maestro, 85).

O‘zbekiston – Boymurodov, Husanov, O‘rozov, Ortiqboyev (Akramov, 85), Abdurahmatov, Mahamadjonov, Asqarov, Rahmonaliyev, Esanov (Abdurazzoqov, 64), Fayzullayev, Xoldorxonov (Turdimurodov, 77).

Ogohlantirishlar: Giay (11), Tanlongo (45+7), Ortiqboyev (80).

• Futbol
• Jahon chempionati