Oʻzbekiston Respublikasining Afgʻonistonda xotin-qizlarning davlat va xususiy oliy oʻquv yurtlarida taʼlim olishiga taqiq qoʻyilgani bo‘yicha pozitsiyasi qanday? Tashqi ishlar vazirligiga ko‘ra O‘zbekiston ushbu xabarni chuqur tashvish bilan qabul qilgan.

“Afgʻon xalqining tinch va farovon kelajakni barpo etish yoʻlidagi intilishlarini qoʻllab-quvvatlashga qaratilgan qatʼiyat belgisi sifatida ushbu qaror qayta koʻrib chiqilishiga umid qilamiz”, – deyiladi xabarda.

Avvalroq, Tolibon tomonidan ayollarning mamlakat oliy ta’lim muassasalarida o‘qishini taqiqlashga Afg‘onistondagi talaba qizlar hijob o‘ramagani sabab bo‘lgani haqida xabarlar tarqalgan edi.

Mamlakat oliy ta’lim vaziri Nada Muhammad Nadimning fikricha, universitet yotoqxonasidagi qizlar va viloyatlardan o‘qishga kelganlar erkak hamrohsiz harakatlangan. Shuningdek, u oliygohlarda ayollar va erkaklarga aralash holatda dars o‘tilgani, ayrim qizlar esa “islomga zid” fakultetlarda o‘qiganini sabab sifatida ko‘rsatgan.

• Afg‘oniston
• Ayollar
• Munosabat
• OTM
• Tashqi ishlar vazirligi