BAAning Dubay shahri mezbonlik qilgan 2025-yilgi yoshlar Para Osiyo o‘yinlari yakunlandi. Musobaqa O‘zbekiston terma jamoasi uchun o‘ta muvaffaqiyatli o‘tdi.

O‘zbekiston delegatsiyasi sportchilari 99 ta oltin, 57 ta kumush va 41 ta bronza medalni qo‘lga kiritib, umumjamoa hisobida birinchi o‘rinni egalladi.

Musobaqada O‘zbekiston para suzish terma jamoasi sportchilari jami 59 ta medal, jumladan, 36 ta oltin medalga sazovor bo‘lishdi. Turnirning so‘nggi kunida para suzish bo‘yicha terma jamoa a’zolari 19 ta oltin, 9 ta kumush va 4 ta bronza medalni qo‘lga kiritdi.

Musobaqada O‘zbekiston para suzish terma jamoasi sportchilari jami 59 ta medal, jumladan, 36 ta oltin medalga sazovor bo‘lishdi. Turnirning so‘nggi kunida para suzish bo‘yicha terma jamoa a’zolari 19 ta oltin, 9 ta kumush va 4 ta bronza medalni qo‘lga kiritdi.

Shuningdek, V yoshlar Para Osiyo o‘yinlari doirasida para taekvondo bo‘yicha musobaqalar ham yakunlandi. Turnirning so‘nggi kunida O‘zbekiston terma jamoasi a’zolari 2 ta oltin, 1 ta kumush va 5 ta bronza medalni qo‘lga kiritib, jami 8 ta medal jamg‘arishga muvaffaq bo‘lishdi.

Shu tariqa O‘zbekiston delegatsiyasi yoshlar Para Osiyo o‘yinlarini umumjamoa hisobida birinchi o‘rinda yakunladi.

• BAA
• Paraosiyo o‘yinlari
• Sport
• Yoshlar