Joriy yil 12-may kuni BMT Inson huquqlari bo‘yicha kengashining navbatdan tashqari sessiyasida Rossiyaning Ukrainadagi qurolli harakatlarini “tajovuz” deb atash va u yerda sodir etilgan inson huquqlarining buzilishi bilan bog‘liq holatlarni mahkamaga tortish masalasi ko‘tarildi.

Mazkur hujjat, asosan, inson huquqlarining buzilishiga qaratilgan bo‘lib, joriy yilning fevral va mart oyi oxirida Rossiya qurolli kuchlari nazorati ostida bo‘lgan Kiyev, Chernigov, Xarkov va Sumi hududlarida sodir etilgan jinoyatlar bo‘yicha aybdor tomonni javobgarlikka tortish masalasi ko‘tarilgan edi.

Rossiyaga qarshi ishlab chiqilgan mazkur hujjatni qabul qilishda, jkmladan Xitoy va Eriteriya davlatlari qarshi ovoz bergan. Hujjatni “xolislik yo‘qligi” uchun tanqid qilgan Xitoy taklifi bilan rezolyutsiya ovozga qo‘yilgan.

Rezolyutsiyaga Xitoydan tashqari Eritreya ham qarshi ovoz berdi.

Shuningdek, Armaniston, Qozog‘iston, O‘zbekiston, Boliviya, Venesuela, Hindiston, Kamerun, Kuba, Namibiya, Pokiston, Senegal va Sudan ovoz berishda betaraf qolgan. Shu bilan birga, Eritreya,

Venesuyela va Kuba delegatsiyalari o‘z chiqishlarida xuddi Xitoy kabi hujjatni tanqid ostiga olgan.

Hujjat, asosan, Rossiyaga do‘stona munosabatda bo‘lmagan 33 ta davlatlar delegatsiyalari tomonidan qo‘llab-quvvatlangan.

Uchrashuvda Rossiya delegatsiyasi ishtirok etmadi.

• BMT
• O‘zbekiston
• Rossiya
• Urush