“Global Petrol Prices” (“Xalqaro benzin narxlari”) ma’lumotlariga ko‘ra, 2023-yilning fevral oyida O‘zbekiston dunyodagi eng arzon benzinga ega davlatlar ro‘yxatida 34-o‘rinni egalladi.

Unga ko‘ra mamlakatimizda benzinning o‘rtacha narxi bir litr uchun 0,982 dollarni tashkil etadi.

Qayd etilishicha, jahondagi eng arzon benzin Venesuela mamlakatida (0,016 dollar), eng qimmati esa Gonkongda (2,942 dollar). Dunyo bo‘ylab benzinning o‘rtacha narxi litri uchun 1,30 dollarni tashkil qiladi.

Turkmaniston esa eng arzon benzinga ega mamlakatlar bo‘yicha 8-o‘rinda (0,428 dollar) qayd etilgan.

Odatda boy mamlakatlarda narxlar yuqori bo‘lsa, qashshoq mamlakatlar va neft ishlab chiqaruvchi, shuningdek, eksport qiluvchi mamlakatlarda narxlar sezilarli darajada past bo‘ladi. Jumladan, AQSh iqtisodiy jihatdan rivojlangan bo'lsa-da, mamlakatda gaz narxi past.

Shuningdek, davlatlar o‘rtasidagi narxlardagi tafovutlar benzinga turli soliqlar va subsidiyalar bilan bog‘liq. Barcha mamlakatlar xalqaro bozorlarda bir xil neft narxidan foydalanish imkoniyatiga ega, lekin keyin turli soliqlarni joriy etishga qaror qiladi. Natijada, benzinning chakana narxida farqlar yuzaga keladi.

• Benzin