Ochiq maʼlumotlar portaliga 2022-yil I chorak holatiga soliq imtiyoziga ega bo‘lgan subyektlar haqidagi maʼlumotlar joylashtirildi.

Korrupsiyaga qarshi kurashish agentligining maʼlum qilishicha, amaldagi qonunchilikda belgilangan tartiblarga asosan mazkur davrda mamlakatda jami 44 183 ta xo‘jalik yurituvchi subyekti soliq imtiyozlaridan foydalangan bo‘lib, ular uchun qo‘llanilgan soliq imtiyozlarining umumiy qiymati 9 trillion so‘mdan ziyodni tashkil etadi.

Soliq imtiyozlari 7 turdagi soliqlar bo‘yicha berilgan va ularning salmoqli qismi qo‘shilgan qiymat solig‘i (QQS) hissasiga to‘g‘ri keladi (93,5 foiz). Keyingi o‘rinlardan jismoniy shaxslardan olinadigan daromad solig‘i (1,6 foiz), foyda solig‘i (1,6 foiz), yer solig‘i (1,3 foiz), ijtimoiy soliq (1 foiz), mol-mulk solig‘i (0,6 foiz) va aylanmadan olinadigan soliqlar (0,3 foiz) joy olgan.

Quyida eng ko‘p miqdorda soliq imtiyozlariga ega bo‘lgan Top-20 xo‘jalik yurituvchi subyekt va ularga berilgan imtiyoz summasi ko‘rsatilgan.

1.  “Navoiy kon-metallurgiya kombinati” AJ – 1 trln 327,1 mlrd;

2. TIF “O‘zmilliy bank” AJ – 530 6 mlrd;

3.  “Olmaliq kon-metallurgiya kombinati” AJ –  457,3 mlrd;

4.  “Ipoteka-bank” ATIB – 422,2 mlrd;

5.  “O‘zbekiston sanoat-qurilish bank” ATB –  400,9 mlrd;

6.  “Agrobank” ATB – 397,7 mlrd;

7.  “Davlat aksiyadorlik tijorat banki Asaka” AJ – 251,9 mlrd;

8.  AT “Xalq banki” – 195,1 mlrd;

9.  “Kapitalbank” ATB  – 181,3 mlrd;

10.  “Asia trans gas” MCHJ – 164,8 mlrd;

11.  “Qishloq qurilish bank” ATB –159,4 mlrd;

12.  “Uzbekistan airways” AJ  – 152,8 mlrd;

13.  “Grand pharm trade” MCHJ  – 148,3 mlrd;

14.  “O‘zbekiston temir yo‘llari” AJ – 147,6 mlrd;

15.  “Mikrokreditbank” ATB – 129,5 mlrd;

16.  “Hamkorbank" ATB  – 125,0 mlrd;

17.  “Meros pharm” MCHJ –  94,8 mlrd;

18.  “Aloqabank” AJ – 77,9 mlrd;

19.  “Trastbank xususiy aksiyadorlik banki” AJ – 58,5 mlrd;

20.  “Turon bank” ATB – 47,5 mlrd so‘m.

QQS bo‘yicha imtiyozga ega bo‘lgan Top-10 korxona:

1.  “Navoiy kon-metallurgiya kombinati” AJ – 1 327,1 mlrd;

2.   “O‘zmilliy bank”  AJ – 530,6   mlrd;

3.  “Olmaliq kon-metallurgiya kombinati” AJ – 457,3   mlrd;

4.  “Ipoteka-bank” ATIB – 422,2 mlrd;

5.  “O‘zbekiston sanoat-qurilish bank” ATB – 400,9  

6.  “Agrobank” ATB – 397,7 mlrd;

7.  “Davlat aksiyadorlik tijorat banki Asaka” AJ – 251,9   mlrd;

8.  AT “Xalq banki” – 195,1 mlrd;

9.  “Kapitalbank” ATB – 181,3   mlrd;

10.  “Asia trans gas” MCHJ – 164,8   mlrd so‘m.

• Aksilkorrupsiya
• Hisobot
• Imtiyoz
• Soliq