O‘zbekistonda deyarli barcha tibbiyot xodimlari koronavirusga qarshi turli bosqichlarda emlandi, deb xabar bermoqda SSV Matbuot xizmati.
Qayd etilishicha, bundan 7 oy muqaddam tibbiyot xodimlarini emlash ishlari boshoangan va hozirgakelib, 99,5 foiz xodim virusga qarshi turli bosqichlarda emlanib bo‘ldi.
Tibbiyot sohasi vakillarining orasida to‘liq emlangan fuqarolar salmog‘i 76,8 foizga yetdi.
SSV shuningdek, 74,6 foiz maktab o‘qituvchisi virusga qarshi turli bosqichlarda emlanib bo‘lganini ma’lum qildi. Umumta’lim sohasi vakillari orasida to‘liq emlangan fuqarolar salmog‘i 45,4 foizga yetgan. Maktab o‘qituvchilarini emlash uchun esa 1 199 635 doza vaksina qo‘llanilgan.
Bundan tashqari, 65 yoshdan oshgan emlanuvchi fuqarolarning emlanishi borasidagi ma’lumotlar ham e’lon qilindi. Unga ko‘ra, katta yoshli aholi qatlamining 54 foizdan ortig‘i koronavirusga qarshi vaksina olgan. Ular orasida to‘liq emlangan fuqarolar salmog‘i esa 36,5 foizga yetgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!