Vakillarimiz tarixda ilk marotaba “Osiyo olimpiadasi” nomini olgan nufuzli musobaqada qatnashish huquqini qo‘lga kiritdilar.
Shu kunlarda Tailand poytaxti Bangkok shahrida chim ustida xokkey bo‘yicha Xanchjou-2022 XIX yozgi Osiyo o‘yinlariga saralash musobaqasi bo‘lib o‘tmoqda. Unda qit‘amizning 9ta davlati vakillari g‘oliblik uchun bahs olib borishyapti.
Saralash musobaqasida ishtirok etayotgan O‘zbekiston chim ustida xokkey terma jamoasi guruh bosqichida bir g‘alaba, ikki durang va bir mag‘lubiyat qayd etdi. Vakillarimiz o‘rin olgan guruhda Ummon terma jamoasi 12 ochko bilan 1-o‘rinni egalladi. O‘zbekiston va mezbon Tailand terma jamoalari esa bir xil – 5tadan ochko jamg‘arishdi. Faqat to‘plar nisbatiga ko‘ra hamyurtlarimiz guruhda 3-o‘rinni egallashdi. Keyingi o‘rinlar mos ravishda Gonkong hamda Qozog‘iston terma jamoalariga nasib etdi.
Bugun o‘tkazilgan pley-off bosqichida terma jamoamiz a‘zolari Singapur ustidan g‘alabaga erishdi va mustaqil O‘zbekiston tarixida ilk marotaba XIX yozgi Osiyo o‘yinlarining final bosqichiga yo‘llanmani qo‘lga kiritishdi.
Oldinda vakillarimizni Shri-Lanka terma jamoasiga qarshi o‘yin kutib turibdi. Mazkur o‘yinda qanday natija qayd etilishidan qat‘i nazar O‘zbekiston xokkeychilari XIX yozgi Osiyo o‘yinlarida qatnashadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!