2025-yil uchun yangilangan davlatlar pasportlari reytingida O‘zbekiston 107 ta davlat orasida 80-o‘rinni egalladi. Bu haqda “Visa Index” tomonidan tuzilgan “Visa Index 2025” reytingda keltirilgan.

Ushbu reytingga ko‘ra O‘zbekiston fuqarolari 28 ta davlatga vizasiz bora oladilar, 33 ta mamlakatga borgach viza olishi mumkin, 1 ta davlatda elektron kirish ruxsatnomasi (eTA) rasmiylashtirishi mumkin, 39 ta mamlakatda elektron vizani (eVisa) olishi mumkin va 128 ta davlatga borishda esa avvaldan viza rasmiylashtirishi talab qilinadi.

Markaziy Osiyo davlatlari reytingida Qozog‘iston yetakchilik qilmoqda, mamlakat pasporti 63-o‘rinni egallagan. Qozog‘istonliklar 44 ta davlatga vizasiz sayohat qilishi, 36 ta davlatda esa vizani borgach olishi mumkin.

Boshqa Markaziy Osiyo mamlakatlari:

Qirg‘iziston – 79-o‘rin (27 ta davlatga vizasiz, 35 ta davlatga borgach);

Tojikiston – 84-o‘rin (23 ta davlatga vizasiz, 33 ta davlatga borgach);

Turkmaniston – 92-o‘rin (14 ta davlatga vizasiz, 33 ta davlatga borgach).

Boshqa postsovet davlatlari bilan solishtirganda O‘zbekiston ancha ortda qolmoqda:

Estoniya – 11-o‘rin (142 ta davlatga vizasiz, 30 ta davlatga borgach);

Litva – 12-o‘rin (140 ta davlatga vizasiz, 30 ta davlatga borgach);

Latviya – 12-o‘rin (141 ta davlatga vizasiz, 30 ta davlatga borgach);

Ukraina – 28-o‘rin (110 ta davlatga vizasiz, 37 ta davlatga borgach);

Gruziya – 45-o‘rin (84 ta davlatga vizasiz, 40 ta davlatga borgach);

Belarus – 60-o‘rin (48 ta davlatga vizasiz, 36 ta davlatga borgach).

• O‘zbekiston
• Viza