31°
Kechasi 18°
Muxsinxo‘ja Abdurahmonov O‘zbekistonning Fijidagi birinchi elchisi etib tayinlandi. U bir vaqtda Yaponiyadagi elchi vazifasini ham bajaradi.
“O‘zbekistonning Fijidagi elchisi (qarorgohi Tokio shahrida) etib tayinlangan Muxsinxo‘ja Abdurahmonov mamlakat prezidenti Ratu Naykama Tavakekolati Lalabalavuga ishonch yorliqlarini topshirdi”, deb xabar qilmoqda “Dunyo” axborot agentligi.
Rasmiy tadbirlardan so‘ng bo‘lib o‘tgan suhbat davomida O‘zbekiston va Fiji o‘rtasidagi siyosiy, savdo-iqtisodiy, madaniy-gumanitar, ta’lim va turizm kabi yo‘nalishlardagi aloqalarning hozirgi holati va istiqbollari yuzasidan fikr almashilgan.
Prezident Naykama Lalabalavu ikki mamlakat geografik jihatdan uzoqda joylashgan bo‘lsa-da, ularni o‘zaro hurmat, konstruktiv muloqot va umumiy qadriyatlarga asoslangan do‘stona aloqalar bog‘lab turishini ta’kidlagan.
Fiji Okeaniyadagi mustaqil davlat bo‘lib, janubiy Tinch okeanida, Avstraliya va Yangi Zelandiyaning shimoliy-sharqiy qismida joylashgan. U 330 dan ortiq orol va kichik orollardan tashkil topgan, taxminan 900 ming kishi yashaydi. O‘zbekiston va Fiji o‘rtasida diplomatik munosabatlar 2010-yil 16-iyun kuni o‘rnatilgan.
Ma’lumot uchun, Muxsinxo‘ja Abdurahmonov 2021-yil 27-sentyabr kuni Yaponiya imperatori Naruxitoga O‘zbekiston elchisi sifatidagi ishonch yorliqlarini topshirgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
