2024-yil 10-yanvar kuni Rossiya Ichki ishlar vazirligining Admiraltey tumani bo‘yicha boshqarmasiga O‘zbekiston fuqarosi 23 yoshli Salimova D.dan o‘g‘lining olib qochilgani bo‘yicha ariza kelib tushgan.

Unda o‘sha kuni soat 14:30 da Sankt-Peterburgdagi O‘zbekiston Bosh konsulligida bo‘lgan vaqtida o‘g‘li olib qochilgan. 21 yoshli Rustamov D. (ehtimol bolaning biologik otasi bo‘lishi mumkin) esa bolani ko‘tarib, noma’lum tomonga olib ketganligini ma’lum qilgan.

Tezkor qidiruv natijasida esa jinoyatni sodir etgani uchun Rustamov D. qo‘lga olingan va bola onasiga topshirilgan.

Holat sabab Rossiya Tergov qo‘mitasining Sankt-Peterburg shahri bo‘yicha Bosh tergov boshqarmasining Rossiya jinoyat kodeksining 126-moddasi 2-qismi (odam o‘g‘irlash) bo‘yicha jinoyat ishi qo‘zg‘atilgan.

Shundan so‘ng, Rustamov D. Rossiya Federatsiyasi jinoyat-protsessual kodeksining 91-moddasi asosida hibsga olingan.

• Bola
• Jinoyat
• O'g'irlik
• Rossiya