Kolumbiyaning Kali shahridagi havo kuchlari bazasi yaqinida sodir bo‘lgan portlashda kamida 5 kishi halok bo‘ldi, 36 kishi yaralandi.

Bu haqda shahar hokimiyati ma’lum qildi.

“Kali yana narkoterrorchilar hujumi qurboniga aylandi. Bir necha daqiqa oldin havo kuchlari bazasi yaqinida yuk mashinasi portlab ketdi”, – dedi shahar meri Alexandro Eder aholiga murojaatida.

Kali hukumatining X ijtimoiy tarmog‘idagi sahifasida jabrlanganlarga yordam ko‘rsatish uchun shahardagi barcha qutqaruv xizmatlari jalb qilingani haqida xabar berilgan. “Hokimiyat 5 kishi halok bo‘lgan va 36 kishi yaralangan” degan dastlabki ma’lumotlarga ko‘ra”, — deyiladi xabarda.

Eder hujum uchun javobgarlarni topishga yordam beradigan ma’lumot uchun mukofot e’lon qildi.

• Kolumbiya