Aralash jang san’atlari bo‘yicha eng nufuzli tashkilotlardan biri sanalgan UFC vazn toifasidan qat’iy nazar eng kuchli jangchilar(P4P) ro‘yxatini e’lon qildi.

Yangilangan reytingda eng yuqori ko‘tarilish asli dog‘istonlik bo‘lgan, ammo Shvetsiya bayrog‘i ostida musobaqalarda qatnashuvchi Hamzat Chimayevga tegishli bo‘ldi. U naqd 10 pog‘ona yuqorilab, top-5 ga kirib olishga muvaffaq bo‘ldi. U hozirda 4-o‘rinda bormoqda.

Hamzatga o‘z chempionlik kamarini boy bergan Drikus du Plessi esa aksincha, 7 o‘ringa pastlab, 11-pog‘onaga tushib ketdi. 

Yengil vazn toifasida sobiq UFC chempioni Charlz Oliveyra esa, P4P reytingidan chiqarildi. Bu esa qozog‘istonlik Shavkat Rahmonovning 15-o‘ringa ko‘tarilib olishi uchun xizmat qildi. Aleksandr Pantoja, Maks Hollovey, Bilol Muhammad va Arman Sarukyan bir pog‘onadan pastlagan. UFC P4P reytingida hamon chempion Ilya Topuriya peshqadam bo‘lib turibdi. 

• Belal Muhammad
• Chimayev
• MMA
• UFC