Niderlandiya Ukrainaga 42 ta F-16 samolyoti yetkazib beradi. Ukraina prezidenti Volodimir Zelenskiy Niderlandiya bosh vaziri Mark Ryutte bilan uchrashuvdan so‘ng kelishuvga erishilganini ma’lum qildi.

“Mark Rutte va men uchuvchilarimiz va muhandislarimizni o‘qitishdan so‘ng, Ukrainaga beriladigan F-16 samolyotlari sonini kelishib oldik. 42 ta samolyot va bu hali boshlanishi. Niderlandiyaga rahmat!” – dedi Ukraina rahbari Niderlandiya bosh vaziri bilan muzokaralardan so‘ng.

Niderlandiyadan keyin Daniyaga tashrifi chog‘ida Zelenskiy mamlakat bosh vaziri Mette Frederiksen bilan uchrashdi. Frederiksen xonim Kopengagen Kiyevga 19 ta samolyot topshirishini ma’lum qildi. U F-16 samolyotlarining birinchi partiyasi yangi yil oldidan Ukrainaga yetkazilishiga umid qilmoqda.

Zelenskiy Daniya Bosh vaziri Frederiksen bilan birgalikda Skridstrup harbiy havo bazasida F-16 samolyotlarini ko‘zdan kechirdi va shaxsan o‘zi Bosh vazir bilan birga unga o‘tirib ko‘rdi.

Zelenskiy kelishuvni Ukraina havo qalqonini mustahkamlash bo‘yicha yana bir qadam deb atadi.

Shuningdek, Zelenskiy global tinchlik sammiti, tinchlik formulasi va “Rossiyani javobgarlikka tortish” kun tartibida ekanini qayd etdi.

• F-16
• Niderlandiya
• Ukraina