Atmosferaning ozon qatlami quyoshning ultrabinafsha nurlarini ushlab qoladigan qalqon hisoblanadi. Olimlarning ta’kidlashicha, ozon teshigining paydo bo‘lishiga vulqon otilishidan tortib, iqlim o‘zgarishigacha ko‘plab omillar ta’sir ko‘rsatadi. Biroq, asosiysi, xloftoruglerodlar yoki xlorftorokarbonlardan - ozonni buzuvchi moddalardan foydalanish. Yigirmanchi asrda ular aerozol qutilari va muzlatgichlar ishlab chiqarish uchun faol ishlatilgan, bu esa ozon qatlamining yo‘q qilinishiga olib keldi. 

Quvonarlisi, Yerning ozon qatlami tiklanmoqda. Bu haqida Kopernik atmosfera monitoring xizmati olimlari xabar berdi. The Daily Mail nashrida Janubiy qutb ustidagi ozon teshigi oldingi yillargiga nisbatan kichikroq hajmni tashkil qilyotgani yozilgan.

13-sentyabr holatiga ko‘ra, tuynuk maydoni o‘tgan yilning shu davriga nisbatan 18,48 million km2 ga kam bo‘lgan. Olimlarning ogohlantirishicha, bu o‘zgarish asosan global ob-havo sharoitlariga bog‘liq. Ammo keyingi 40 yil ichida ozon qatlami to‘liq tiklanadi, deb ishonishga asos bor.

Kuzatishlar shuni ko‘rsatdiki, 2024-yilda teshikning shakllanishi odatdagidan ancha sekinroq bo‘lgan. U faqat sentyabrda paydo bo‘lgan, ilgari avgust oyining o‘rtalarida paydo bo‘lgan. Prognozlarga ko‘ra, dekabr oyining boshiga kelib, teshik butunlay yopiladi.

• Lifestyle
• Olimlar
• Yer
• qiziqarli
• tadqiqot