Farg‘ona viloyatining Rishton tumanida yashovchi fuqaro IIBga ariza bilan murojaat qilgan.

Ma’lum qilinishicha, Telegram ijtimoiy tarmog‘ida “Agrobank bosh ofisi” nomli akkaunt foydalanuvchisi, o‘zini bank xodimi, deb tanishtirgan.

U fuqaroni Agrobankdan yiliga 27 foizlik kredit asosida 10 mln so‘m miqdoridagi pulni chiqarib berishini aytib, aldagan. Shundan so‘ng fuqaro “bank xodimi”ga bir emas 2 ta bank kartasining ma’lumotlarini bergan. Maqsadiga erishgan firibgar esa kartalardan jami 12,4 mln so‘m pulni o‘zlashtirib olgan.

Olib borilgan tezkor-qidiruv tadbirlari natijasida, pullarni talon-toroj qilgan shaxs, Toshkent viloyatining Angren shahrida yashovchi, 1997-yilda tug‘ilgan K.D. ekani aniqlangan. U pullarni onlayn qimor o‘yinlariga sarflab yuborgan.

Ushbu holat yuzasidan K.D.ga nisbatan JKning 169-moddasi bilan jinoyat ishi qo‘zg‘atilib, tergov harakatlari olib borilmoqda.

• Bank
• Firibgarlik