“Paxtakor” va “Bunyodkor” final yo‘llanmasi uchun kurash olib bordi.120 daqiqa davom etgan bahs 1:1 hisobida yakunlandi. Dastavval, Xurshid Gʻiyosov hisobni ochgan boʻlsa, mezbonlardan Hojimat Erkinov farqni tenglashtirdi.

Qayd etish kerak, mezbonlar safida Dragan Cheran birinchi boʻlimda, Sherzod Aʼzamov esa 120-daqiqada qoʻpolligi uchun chetlatilib, Piter Hyuistra shogirdlari penaltilar seriyasiga 9 kishi boʻlib yetib kelishdi. 

Shunga qaramay, amaldagi chempion jamoa lotoreyada ham omadli chiqdi – Shahboz Erkinovning birinchi zarbadagi xatosi va Diyor Xolmatovning soʻnggi aniq zarbasi “Paxtakor”ga final yoʻllanmasini taqdim etdi. 

Ma’lumot uchun, final uchrashuvi 4-dekabrda “Nasaf” va “Paxtakor” jamoalari o‘rtasida Samarqandda bo‘lib oʻtadi.

• Futbol